ARAK-ARAKAN GEGURITAN NAWANG WULAN

Senin, 28 Desember 2015

GURIT KAYANGAN


(jaka tarub)

ya gene isih bokgurat aksarane mlathi
nganggo lungiting ganda crita luh wingi
atose watu wis ora nampa
reroncen ngliga asmaradana


geneya terus bokkidung sarung jagung
kanthi tembung-tumbung lintang keduwung
kekejera kaya ngapa
impen iku wis wayu kedaluwarsa


ya gene terus bokgurat aksarane mlathi
nganggo mingseg kapange nawang sari
kamangka rembulan uga wis paring werdi
yen ta aku saiki wis bali jejer widadari


Kotabumi, 28 Desember 2015
DS

Rabu, 23 Desember 2015

GURIT KAYANGAN


yen sendhang wus kadung mambu bathang
aja mbok gadhang kledhange sampur abang
watu gilang wus ajur sewalang-walang
nawang wulan lawas bali nyang kayangan

Kotabumi, 22 Desember 2015

DS