MOSIKING ATI

Eluh trenyuh ngembang gugur
Mrebel nelesi ati kang wingit
Nguntabake pasiksan
Sing salawase iki pingget ing ati

Satemene ati iki wus lungse
Kabuncang ing tlatah samun
Cengkar bera lan nglungka
Nora kuwawa

Sayah anggonku lumaku
Mecaki dalan rumpil kebak tatu
Ing kene pengen dakleremake
Mosiking ati ing rerangkule wengi

Sanadyan ta pedhut isih anggendanu
Nutupi celong praupane rembulanku

Kotabumi, madya ratri
DS