L E N C U

Daksebul banter
Kumelune pega rokok ing dhadhaku
Prasasat nguncalake wewayangmu

Sauruting wengi kang sepi
Dakjar wudhar sekehing rerangken
Dakuja mbuncang ewoning pengangen
Daklempit impen-impen kang blereng
Sabab wus daklirwakake sliramu
Saka atiku

Lan nalika bali daksawang langiting atiku
Kabeh wus bali ireng
Kabeh wus bali ireng

Kotabumi, Madya ratri
DS