sepira dawane ati
kang jumangkah ngemu sewu wewadi
lir konang kang pijer rebutan dolanan geni
sapa kang nyimpen sepi
ati adreng mawas pucuke jati
kang gumelar samar ing laladhan sepi
bokmenawa mung kadereng angen
sepi ngambung lingiring amem
sing nuwuhake tatu berem
apa merga trisna wus kelangan pangaribawa
kelunta-lunta ajer ngelus pitakon dawa
:dasih, bangetku kapang kepengin wujudmu sanyata
Kotabumi, 23 maret 2015
DS
Tidak ada komentar:
Posting Komentar