surup anapak manglong
getir rasa andulu trenyu
nratab kroncalan atiku coblong
sora anjola muwun kelayu
kelu nyeseg ngreranta
ngiring kreta titihan
trisna kapunggel peksa
lerema bali mring ayunan
taun gumlewang perih rinasa
dalan rumpil amecaki
dak kekeb kenceng pangaruara
sun tangiske kangene ati
rungon-rungonen dhek biyen meling
kalane candhik dak papag bali
lampah laku nggleyong jonjing
aja sumelang nimas, sadurunge peteng dakjujul pati
Kotabumi, 14 mei 2015
DS
Tidak ada komentar:
Posting Komentar