(jaka tarub)
ya gene isih bokgurat aksarane mlathi
nganggo lungiting ganda crita luh wingi
atose watu wis ora nampa
reroncen ngliga asmaradana
geneya terus bokkidung sarung jagung
kanthi tembung-tumbung lintang keduwung
kekejera kaya ngapa
impen iku wis wayu kedaluwarsa
ya gene terus bokgurat aksarane mlathi
nganggo mingseg kapange nawang sari
kamangka rembulan uga wis paring werdi
yen ta aku saiki wis bali jejer widadari
Kotabumi, 28 Desember 2015
DS
Tidak ada komentar:
Posting Komentar