Kekidungan tembang kinanthi
Tigumanti siyat-siyut andudut ati
Pikir sing rinakit njlarit
Tembung kang tinali singset
Kongang udhar
Marani jlantraning kekarepaning ati
Lelumban ing jagading sonya ruri
kadiparan impenku wengi iki, Yayi
Nglangut pengangen saka telenge ati
Dakjaluk kapangmu wingi
Sing kacicir ing pinggiring sepi
Karoban maesi impi-impi
Ing wengi
Ing lali
Sauntara, rembulan njlarit tansah nggemateni wengi
Ngenteni tekane rahina ijen tanpa meri
Kotabumi, 28-02-2012
DS
Tidak ada komentar:
Posting Komentar