A N G E N

lintang-lintang ing tawang
kumelap angrengga sesawangan
winangsulan dening sumiliring angin
lan gendhing asmaradana kang ngrangin

kendhang angenku katut ilining wengi
mili turut kalining sepi
ili laku kumricike panganthi
Yayi, yagene esemu nora rinengkuh jroning ati

apa kudu bali dakpecaki tapak-tapak wingi
mangka lelakon kuwi wus kebacut nyuwek ati
apa isih bisa dakrakit talining edi
awit tatu wingi isih mblerengi.

Kotabumi, Lingsir wengi
DS