godhong-godhong padha anteng
kesaput pedhut ampak-ampak katrem
satengahe hawa adhem
amem-amem
ahh, wengiku
sawangen iki
kangenku mbrebes mili
kapisah dening gandhulane ati
ing endi anget alembanane lintangmu, Yayi
sumurupa yen sepi wis suwe njuwing ati
banjur kapan rembulan bakal bali leladhan
ing birune tawang
katresnan
Kotabumi, 31 juli 2014
DS
Tidak ada komentar:
Posting Komentar