daktemu tetes atise bun ing netramu
isih padha kaya deksemana
nalika perih keket rinengkuh ana dhadha
kanyatan wus lumaku adoh, Yayi
wus lumaku adoh
kekejera kaya ngapa
sengara kae wus selot cetha
mara dakruket anggamu
bebarengan nyawang birune kanyatan
satengahe rasa kapang kang tan bisa uwal
satengahe seseg remugane ambegan
sarimbit ngeja aksarane pepisahan
Kotabumi, 25, agustus 2014
TS
4 komentar:
guritipun edi sanget....
punika gurit anggitane kamase kula mas, maturnuwun paring kawigatosanipun, salam
Suraose gurit damel kelingan ing pawetri ingkang tansah kula tresnani...salam santun kagem kamase....nuwun
Posting Komentar