wengi anapak manglong
metani kedhepe lintang
ngegla semana wulane moblong
sarimbit runtung angudal kapang
adoh kelakon rumpil jinangka
kangen sumampir ing pang turi
tansah gogrok lumiwat mangsa
lamun ta sak mengko bakal ndharbeni
mbacut lumaku ngiter angenan
mipil jembar birune tawang
ing panjer wengi nyutak tab-taban
dhuh nimas ati sun kitrang
Kotabumi, madya ratri
DS
Tidak ada komentar:
Posting Komentar