tangia Yayi, nglipur sesotya
nembang katentreman
binarung bun lan wangine mawar angambar
mesakake impi
mung kok kemuli tilas wewiru
gombal amoh suwirane slendhang
panggadhang
mbokmenawa mung turahan rasa
kang tansah ngrujit biruning tatu
lan keliping lintang
wengi iku
kaningaya ngapa isih nggambari tawang
rembulan kae rak wus growal-growal
rupane wus potheng-potheng
saben wengi mbok cuwil kanggo nambali kapang
Kotabumi, 27 Mei 2015
DS
Tidak ada komentar:
Posting Komentar