sagagang mawar abang
dak ulungke mring sliramu
wenehana papan kanggo kalodhangan
ing atimu
aja sanggarunggi
lamun akeh eri mangu
kebak wisa rupa biru
keket regema ing astamu
dimen mblabar getih asihmu
kinen kasdu binuka korining atimu
edhum netramu
sinungging esem semu
banjur bebisik ing talinganku
" Kang, aku wus ana sing ndhaku "
Kotabumi, 16, November 2014
DS
1 komentar:
Kula nuwun Mbak Dyah.
Bade nyuwun pirsa tegesipun tembung :
-Sanggarunggi
-kinen kasdu binuka korining
atimu
-ndhaku
Matur nuwun sanget
Posting Komentar